1. Bizikleta elektrikoekin ibilaldia: Ordizia Saskibaloi Taldeko haurrek, partidura gonbidatutako talde gipuzkoarra, LEMek (Lurauto Electric Mobility) Angulas Aguinaga Arena pabiloiaren inguruan utzitako bizikleta elektrikoak probatzeko aukera izango dute, parte-hartzaileak eta kantxaren inguruan dauden zaleak garraio jasangarriaren erabileraren garrantziaz kontzientziatzeko helburuarekin.
2. LEKTRA jaurtiketa: Lerro berean, eta lehen eta bigarren laurdenen artean, LEKTRA jaurtiketa lehiaketa egingo da. Bertan, sare sozialen bidez zozketaz aukeratuko den pertsona batek bi tiro jaurtiz parte hartuko du zelai erditik, eta, saskiratuz gero, 1.500 euroko balioa duen Lektra L3 bizikleta eramango du sari gisa.
3. Hazia jendeari ematea: Villa Maria Luisa Loradendaren lankidetzari esker, klubak hazi bana emango die partidara gerturatuko diren zale guztiei. Horrela, 2.500 hazi banatuko dira Angulas Aguinaga Arenan, natura jendeari modu atsegin batean hurbiltzeko eta pertsona bakoitzak bere landaketaren jarraipena egiteko.
4. Birziklatzearen sentsibilizaziorako jokoa: Partidaren atsedenaldian birziklatzearen inguruko sentsibilizazioarekin lotutako joko bat antolatuko da, material jasangarriz egindako baloi berezi berri batekin saskiratzea izango da helburua. Baloiak Why Not Fundazioaren erabiltzaileek egingo dituzte. Fundazioarekin hitzarmena du klubak. El Diario Vasco-ren aurreko edizioetako paper birziklatuarekin hiru pilota egingo dira.
5. EKO Pintxoa: Aurreko partidetan arrakasta handia izan duen ekimenarekin jarraituz, klubak sukaldaritza ekintza bat antolatuko du KM 0 produktu iraunkorrak, osasuntsuak eta ingurumenarekiko errespetuz prestatuak erabiliz. Pintxoak Angulas Aguinaga Arenako tabernetan dastatu ahal izango dira

1. Erabilitako betaurrekoak jasotzea: HAZTE VISIBLE kanpainaren baitan Angulas Aguinaga Arenako 2. eta 5. ateetan kutxak jarriko dira erabilitako betaurrekoak biltzeko. Kanpaina Senegalera bidaltzeko era guztietako betaurreko erabiliak biltzean datza, eta Senegalgo biztanleek umetatik pairatzen dituzten gaixotasun oftalmologikoak ahal den neurrian arintzea da helburua.
2. Umearen eguna: Apirilaren 26a umearen eguna da eta Gipuzkoa Basketetik uste dugu kirolari esker balioetan hezten dugula. Beraz, Crecer Jugando Fundazioak bultzatutako ekimen batean, Angulas Aguinaga Arenara fundazio horretako haurrak gonbidatuko  ditugu, haien kirol-erreferenteak gertutik ezagutzeko aukera izan dezaten.
3. Hondarrezko gazteluak Kontxan: Asteburu honetan Kontxako hondartzara goaz hareazko gazteluak egitera ATECEren eskutik (hartutako kalte zerebralaren asoziazioa), 1994tik DCAk (Hartutako Kalte Zerebrala) kaltetutako pertsona guztien bizi-kalitatea hobetzeko lanean ari den erakundea. Lehiaketa apirilaren 20an izango da, larunbata, Kontxako hondartzan, 11:00etatik 14:00etara, eta Gipuzkoa Basketek bere sektorea izango du hondartzan eta parte hartu nahi duen oro hara joan daiteke. Gainera, Nafarroako Unibertsitateko Tecnun – Banco de Tiempo Solidario – TANTAKAko ikasleek Angulas Aguinaga Arenan bisitatuko gaituzte.

Jarduera horiez guztiez gain, eta atsedenaldia alaitzeko, Oñatiko Aloña Mendi gimnasia erritmikoko taldeak emanaldia eskainiko digu Angulas Aguinaga Arenako pistan.

Ziur gaude igandea oso egun berezia izango dela, eta zuekin guztiekin partekatu ahal izatea espero dugu. Denon zain egongo gara Angulas Aguinaga Arenan! Laster arte!