Aurkezpenean, Debako udaletxean, Leire Barriuso Geoparkeko gerentea, Nacho Nuñez Gipuzkoa Basketeko presidentea eta Jose Ignacio Asensio Ingurumen diputatua eta Naturklimako presidentea izan dira.

Denboraldi honetarako, Gipuzkoa Basketen kamisetak Geoparkearen Flysch-aren irudia eramango du, gizarte erantzukizuna eta ingurugiroarekiko ardurarekin jarraituz, eta paisaia ikusgarri honi ikusgarritasuna ematea baino gauza hoberik ez dago bere proiektuarekin jarraitzeko.

Euskal Kostaldeko Geoparkea Zumaia, Deba eta Mutrikun barrena hedatzen da, itsaslabar ikusgarriak dituen 13 kilometroko kostaldea, flysch izeneko informazio geologikoa gordetzen duena. Leku hori erreferentzia-puntu geologiko garrantzitsua da.

Udalerri horietan dagoen flyscharen gauzarik nabarmenena 13 kilometro horiek dira, eskueran dagoen paisaia ikusgarria osatzen dutenak. Gainera, Zumaiatik Debara oinez egiteko ibilbide bat dago, Zumaiako San Telmo ermitaren atzean hasten dena eta Kantauri itsasoari begira ikuspegi ezin hobea duena.