Inveready Gipuzkoa Basketek ostiral honetan, urriaren 14an, jokatuko du bere hurrengo partida, 20:30ean, Amenabar Arenan. Bertan, CB Zamoraren aurka neurtuko ditu indarrak FEB Ligako zortzigarren jardunaldian.

Partidaren atarian, Sergio Garcia taldeko entrenatzailea komunikabideen aurrean agertu da eta honakoa adierazi du:

“Jokalariak lan handia egiten ari dira. Laguntza eta konfiantza eman behar diegu, buelta emateko eta, hortik aurrera, hobetzeko gai izan daitezen.”

Garciak nabarmendu duenez, Tyler McGhiek errekuperazio-prozesuan aurrera egiten jarraitzen du, jarrera ona erakutsiz eta bere kideekin normaltasunez lan egin ahal izateko esperantzarekin. Hala ere, azken orduko aldaketarik ezean, jokalaria partida honetarako ez dela prest egongo adierazi du.