Jose Luis Zubizarreta “Xubi”, Inveready Gipuzkoa Basket taldeko kirol zuzendaria, hedabideen aurrean agertu da gaur merkatuaren egoeraren balantzea egiteko eta taldearen azken bi fitxaketak iragartzeko.
Klubak Gaizka Maiza joko-antolatzailearen eta Ierai Azpitarte pibot gaztearen etorrera itxi du. Azken honek hiru denboraldirako kontratua sinatu du Gipuzkoa Basketekin, lehen denboraldian Iraurgin utzita jokatuko duen arren.
Bere hitzaldian, Zubizarretak klubak etxeko talentuaren alde egindako apustua berretsi du: “Gipuzkoa Basketek Gipuzkoako saskibaloian konfiantza duela erakutsi dugu.”Mugimendu hauekin, Gipuzkoa Basketek lanean jarraitzen du datorren denboraldiari begira talde lehiakorra eratzeko.
0 iruzkin