Gaur goizean Ondrej Hanzlik eta Lance Terry Inveready Gipuzkoa Basketeko jokalari berriak aurkeztu ditugu. Aitor Zubizarreta kapitainarekin batera, Naturklimak Zubietan duen egoitzan izan dira.

Agerraldian Hanzikek adierazi duenez, “garrantzitsuena talde osoa ondo edukitzea eta ligan lehiatu ahal izatea da”.

Bestalde, Terryk azpimarratu nahi izan du “bere helburua ligan ahalik eta ondoen aritzea dela, emaitza onak lortzeko”.

Aitorrek azpimarratu duenez, “garrantzitsuena lesionatuak sendatzea da, baina taldea ondo ari da lanean”.

Gipuzkoa Basket eta Naturklimaren arteko lankidetza mugarri izan zen klima aldaketaren aurkako borrokan kirolaren mundutik. Bi erakundeek lankidetza estuan jarraitzen dute klima-aldaketaren aurkako borrokan enbaxadore aktibo izaten jarraitzeko.