Final Four-eko bigarren finalerdia hasten zen Guuk Gipuzkoa serio-serio batekin. Lehen abantaila 11-0ko partzial batekin, hiru hirukorekin eta saskiratze batekin gipuzkoarrentzat, 11-0 (3. min). Burgosek lehen puntuak sartzen zituen 7ra hurbiltzeko, 11-4 (4. min). Guuk Gipuzkoa oso serio aritzen zen defentsan, Burgos-ek 15 puntu besterik ez zituen sartzen lehen zatian, 21-15.

Bigarren laurdena Burgosekin pixkanaka abantaila murriztuz hasten zen eta 3 puntura hurbiltzen ziren, 23-20 (12. min). Motosek 6,75etik erantzuten zuen, baina Burgosek puntu bakarrera jartzen zen, 26-25 (14. min). Guuk Gipuzkoak, jaurtiketa libreaz geroztik, berriz ere 4 puntuko errenta lortzen zuen, 29-25 (15. min). Burgos gertu zegoen, baina Guuk Gipuzkoa Ander, Carlson eta Delasen puntuekin 5 puntuko aldearekin joaten zen atsedenaldira, 39-34.

Lehenengoa saskiratzen Burgos zen aldageletatik bueltan, baina Guuk Gipuzkoak markagailuan alderik handiena jartzen zuen 10-0eko partzialarekin, 49-36 (23. min). Abantaila handiena 14 puntukoa zen baina Burgosek 7 puntu jarraian saskiratzen zituen 7 puntura jartzeko, 54-47 (29. min). Burgosen partziala 0-10ekoa zen eta aldea 4 puntutan geratzen zen, 54-50. Guuk Gipuzkoak 5 puntuko abantailarekin ekiten zion neurketako azken 10 minutuei, 56-51.

Burgosek hobeto hasten zuen laurdena 4 puntu jarraian sartzen puntu bakarrera hurbiltzeko, 56-55 (32. min). Delasek saskiratzen zuen baina Burgos lehen aldiz jartzen zen aurretik 6 puntuko abatailarekin, 58-61 (34. min). Guuk Gipuzkoa ez zegoen ondo erasoan eta Burgosek abantaila handiagoa hartzen zuen 0-13ko partzial baten ostean, 58-68 (36. min). Ander lehortea hausten zuen hiruko batekin, 61-68 (37. min). Amaierara arte jaurtiketa libretik bakarrik saskiratzen ziren, baina Guuk Gipuzkoak ez zuen denbora gehiago eta 5 puntugatik galtzen zuen, 64-69.

Guuk Gipuzkoak agur esan dio denboraldiari maila bikaina erakutsiz, non taldearen batasuna beste ezeren gainetik nabarmendu den eta probintziako jokalarien aldeko apustua oraindik ere funtsezkoa den.