Partida Angulas Aguinaga Arenan hasten zen Guuk Gipuzkoa on batekin bai erasoan bai defentsan, 12-2 (4. min). Coruñak 0-8ko partzialarekin erreakzionatzen zuen 2 puntura hurbiltzeko, 12-10 (6. min). Partida partzialetan zihoan, eta orain Guuk Gipuzkoa zen Zubizarretaren 5 punturekin eta Jaworskiren hiruko batekin 10 puntuko aldea berriro jartzen zuena, 20-10 (8. min). Coruñaren erantzun berri bat iristen zen eta etxekoen aldea hiru puntutan bakarrik uzten zuen laurdenaren amaieran, 20-17.

Bigarren laurdenaren hasiera ona Guuk Gipuzkoarena Oroz eta Zubizarretaren hirukoei esker, 26-17 (11. min). Guuk Gipuzkoa laster iristen zen bonusera eta ondorioz Coruña jaurtiketa libreen marrara joaten zen, 28-26 (13. min). Kolpe trukea Guuk Gipuzkoa egoki batekin 6,75etik, une oro aurretik mantentzen zena, 37-32 (17. min). Guuk Gipuzkoa 9 puntura joaten zen, baian laurdena 44-38 bukatzen zen.

Aldageletatik taldeak bueltan ziren eta Coruñak markagailua estutzen zuen, 44-43 (22. min). Lehen aldiz jartzen zen aurretik talde bisitaria hirugarren laurdenaren erdian, 47-49 (24. min). Laurdena berdintasunik handienarekin bukatzen zen eta azken 10 minutuetan erabaki behar zen guztia, 57-56.

Partidaren azken txanpa berdintasun handienarekin hasten zen, 62-62 (32. min). Jaworskik Guuk Gipuzkoaren ordua markatzen zuen, 14 puntu sartu zituen, orain arte taldeko puntu guztiak, 71-64 (37. min). Coruñak partziala itzultzen zuen eta berdinduta geratzen zen partida. Guuk Gipuzkoak baloia berreskuratzen eta azken aukera zuen, baina Orozen hirukoa barrutik ateratzen zen eta luzapenera joaten zen partida, 73-73.

Luzapenari tentsio handienarekin ekiten zioten, eta lehen bi minutuetan markagailua 73-73 mantentzen zen. Coruñak 6 puntuko abantaila hartzen zuen minutu baten faltan, 75-81. Partida 78-85 bukatzen zen.

“https://youtu.be/SaxoBmkZLrg”