CRÓNICA

KRONIKA 17. JARDUNALDIA | Porrota azkenengo segunduan

Porrot galanta azkeneko segundoan Guuk Gipuzkoa Basketentzako. Taldearen partida oso ona, baina azkenean 83-85ko emaitzarekin amaitu da.

Partida oso gogotsu hasi da, erritmo bizian. Erasoak abiadura handian gertatzen ari ziren, eta ez zegoen aukerarik begiak kliskatzeko partidaren lehen minutuetan. Angulas Aguinagak, harmaila baxuan plastiko urdin gutxirekin estanpa eder bat erakusten zuenak, taldeari bultza egiten zion. Etxekoen nagusitasuna zen nagusi, eta 2:30en faltan emaitza 16-10ekoa izan zen. Lehen laurdenaren amaieran, 18-12.

Bigarren laurdena modurik txarrenean hasi du Guuk Gipuzkoa Basketek. Guillem Ferrandoren bi hirukok markagailua berdindu dute lehen minutuan (18-18). Taldea suspertu egin da eta erritmo altuari eusten jakin du. Aurrecoechea uztai azpitik eta Barcello distantziatik taldearen puntuazioaren buru ziren. Partida oso parekatua izaten ari zen eta horrela islatzen zen markagailuan, inor ere ez zen gai ihes egiteko markagailuan. Atsedenaldian, 38-38.

Bigarren denbora lehena bezain bizia eta zirraragarria izango zela aurreikusten zen. Harmaila berotuta zegoen eta jokaldi guztiak estutzen zituen, erasoan zein defentsan. Lau minuturen faltan emaitza 50-51koa zen eta giroa dardaratsua zen. Stürupen hiruko batek eta Marciusen mate eder batek markagailua irauli dute, 55-54. 58-59 markagailuan azken 10 minutuen faltan.

Tentsioa handia zen azken laurdenean.. Erritmoa, oso bizia. 5 minuturen faltan emaitza 69-65ekoa zen. Angulas Aguinaga Arena bikain ari zen animatzen jokaldi bakoitzean, eta energia hori kantxara transmititzen ari zen. Ander Martinezen hiruko batek hankaz gora jarri zuen pabiloia. 74-67, 2:50ren faltan. Tentsioa handia zen 41.3 78-74 falta zirenean. Taldea tentsioa mantentzeko ez da gai izan, eta amaieran 83-85.

Hurrengo erronka Caceresen izango da, lehen itzulia ixteko, San Sebastian bezperan. GOAZEN GUUK GIPUZKOA BASKET!

Estadísticas: https://baloncestoenvivo.feb.es/partido/2341599

Foto: Oscar Araujo

0 iruzkinak

Iruzkin bat bidali

Zure helbide elektronikoa ez da argitaratuko. Eskatutako datuak markatuta daude