Playoffetako lehen partida hasten zen Coruñan Guuk Gipuzkoa on batekin, 2-6 (1. min). Partida laurdenaren lehen zatian berdintzen zen, Carlson itzulera onarekin 6,75tik, 14-14 (7. min). Guuk Gipuzkoak beste martxa bat jartzen zuen azken txanpan eta Motos, Beraza eta Anderren puntuei esker 7 puntuko errenta jartzen du, 17-24.

Bigarren laurdena Guuk Gipuzkoak bere abantaila handituz hasi zen Zubizarretaren eskutik, 17-26. Coruñaren erantzuna azkarra izan arren, Lolo Encinasen mutilek partidako alderik handiena hartzen zuten, 10 puntu, 20-30 (12. min). Coruñak jarraian 5 punturekin erantzuten zuen berriro partidan sartzeko, 25-30. Coruñak markagailuan hurbiltzeko saiakera egin arren, Guuk Gipuzkoa bigarren laurden oso serioa egiten zuen defentsan zein erasoan, non Ander nabarmentzen zen eta Oroz, Jaworski eta Carlsonen hirukoekin 29-43 (18. min). 16 puntuko abantailarekin iristen zen atsedenaldia, 31-47.

Aldageletatik taldeak bueltan ziren eta Coruña 10-0ko partzialarekin hasten zen eta 6ra hurbiltzen zen, 39-47 (23. min). Carsonek Coruñaren partziala hausten zuen. Coruña saiatzen zen markagailuan aldea gehiago murrizten, baina Carlson eta Jaworskiren saskiraketak 9 gora jartzen zuten Guuk Gipzukoa, 45-54 (27. min). Coruñak lau puntu jarraian lortzen zituen hirugarren laurdenaren amaieran eta gipuzkoarrek 5 puntuko aldearekin bukatzen zuten laurdena, 49-54.

Azken laurdenaren hasieran Guuk Gipuzkoak 10 puntuko abantaila berreskuratzen zuen, 49-59 (31. min). Gipuzkoarren asmatzea bueltan zen eta Jaworksi eta MVP Carlsonen hirukoekin 16 gora jartzen zen berriro, 54-70 (36. min). Guuk Gipuzkoa nagusi zen azken minututan eta partida 67-77 amaitzen zen eta Riazorreko Kirol Jauregiari lehenengo garaipena lortzen zuen Guuk Gipuzkoak. Igandean serieko bigarren topaketa Coruñan eta datorren ostiralean, ekainak 2, Guuk Gipuzkoa Angulas Aguinaga Arenara itzuliko da.

“https://youtu.be/lPPGvty10AI”