Gipuzkoa Basketek eta Jakub Mokráňek akordioa lortu dute datorren denboraldirako hegaleko pibota fitxatzeko.
Jakub Mokráň 1999an jaio zen, Eslovakian. Txekiar ligan jokatzetik dator, azken bi denboraldietan 14 puntu eta 6 errebote eta 10 puntu eta 6,5 errebote lortuz. Bi denboraldietan Europako txapelketetan aritu da, Basketball Champions League txapelketan, hain zuzen ere.
Mokráň taldearen zortzigarren pieza da. Manex Ansorregik, Aitor Zubizarretak, Ander Martinezek, Mads Stürupek eta Josip Vrankicek aurreko denboralditik jarraitzen dute, eta Javier Nicolau, Isaac Mayo eta Jakub bera dira orain arteko fitxaketak. Datozen egunotan, datorren denboraldirako taldea osatuko duten izenak ezagutzen jarraituko dute.
0 iruzkin