Nacho Nuñez eta Iñaki Almandoz presidenteek lankidetza hitzarmena sinatu dute, harremanak berreskuratzeko eta normalizatzeko aro berri bati hasiera emateko

Akordioa Gipuzkoako saskibaloiaren indartzeari leialtasunez laguntzeko borondate partekatuan oinarritzen da

Gipuzkoa Basketek Gipuzkoako saskibaloian egun duen lidergoaren fruitua Askatuaken ekarpen historikoa irudikatzen duen haziaren aitorpenarekin lotu du

Gipuzkoa Basket Kirol Sozietate Anonimoak eta Askatuak SaskiBaloi Taldeak (SBT) akordioa lortu dute, Nacho Nuñezek eta Iñaki Almandozek presidente gisa sinatuko, eta bi erakundeetako administrazio-kontseiluak eta zuzendaritza batzordeak berretsi dute.

Akordioak hogeita bi urtez luzatu den erakundeen arteko desadostasun sakon baten amaiera sinbolizatzen du, eta bi kluben arteko harremanak berreskuratzeko eta normalizatzeko aro berri baten abiapuntua da.

Sinatutako hitzarmenak duela bi hamarkada pasatxo sortutako haustura gainditzeko bokazioa du, Askatuak SBTren ordez Gipuzkoa Basket S.A.D. jarri baitzen Gipuzkoako saskibaloiaren elitean erreferentziazko klub gisa, adiskidetasunik gabeko eta adostu gabeko erreleboko prozesu administratibo bat amaitu ondoren.

Erakundeen arteko harremanak berreskuratzeko eta normalizatzeko fase berria, hemendik aurrera bi klubek abian jarriko dutena, lortutako akordioa elkarrekiko leialtasunez bultzatzeko borondate partekatuan eta Gipuzkoako saskibaloia indartzen lagundu ahal izateko asmoan oinarritzen da.

Hitzarmen hau sinatuta, Gipuzkoa Basket SAD-k aitortu egin nahi du Askatuak SBT-ko arduradunek ia mende erdiz klub gisa egindako lana, Gipuzkoan eliteko saskibaloiak hogeita sei urtez bizirautea ahalbidetuz eta kirol hori haur eta gazte askori erraztuz, bere prestakuntza-taldeen bitartez.

Bi erakundeek uste dute denbora tarte horretan Askatuak taldearen lidergoa izan zela Gipuzkoa Basket S.A.D.-k azken hogeita bi urteetan protagonizatu eta gidatu duen lurraldeko prestakuntza eta eliteko saskibaloiaren sustapen- eta sendotze-lanaren jatorrizko hazia.

Gipuzkoa Basket S.A.D.k Askatuak SBTren ibilbide historikoa aitortu nahi du Ohorezko Presidente izendatuta.
Gainera, armarri ofizialaren erdigunean Askatuak SBTren kirol-logoa barneratuko du, eta erakundearen izena gehituko dio erregistroan Donostia Askatuak Gipuzkoa Basket S.A.D. gisa inskribatutako izen berriari.
Aldi berean, Askatuak SBT Gipuzkoa Basket Saskibaloia S.A.D.ren akziodun egingo da parte-hartze sinboliko batekin.

Bi erakundeek sinatutako lankidetza-hitzarmenean adostu dutenez, kirol arloan partekatzeko asmoz ekimenak aztertuko dituzte, Gipuzkoako saskibaloi guztiaren onerako izan daitezkeenak.
Elkarrekiko lankidetzarako espiritu horren testuinguruan, Gipuzkoa Basket S.A.D.k bere burua eskaintzen du Askatuak SBTko jokalari gazteen kirol-teknifikazioan laguntzeko, bi erakundeek adostutako baldintzetan.

Azkenik, Gipuzkoa Basket SAD-k Angulas Aguinaga Arenan denboraldi honetan eta hurrengoetan jokatuko diren Urrezko LEB mailako partidetara joateko abonu kopuru bat jarriko du Askatuak SBT klubaren eskura.

Prentsaurrekoa Tres Reyes hotelean izan da eta Gipuzkoa Basketetik eskerrak eman nahi dizkiogu hotelari harreragatik. Eskerrik asko!

GIPUZKOA BASKET SA-REN ARMARRI BERRIA, ASKATUAK ELKARTEAREN LOGOA ERDIALDEKO GUNEAN SARTU ONDOREN