Gaur goizean sinatu duten lankidetza-hitzarmen berria aurkeztu dute bi klubetako presidenteek, Gipuzkoa Basketetik Nacho Nuñez  eta Easo SBTtik Esteban Basterretxeak ain zuzen ere. Beraiekin batera, Andy Panko izan da.

3 urteko epea izango duen akordio honen helburua, bi kluben arteko harremanean sakondu eta  harrobian etorkizun handiena duten jokalarien prestakuntza hobetzea eta bizkortzea du helburu, baita entrenatzaileen prestakuntzan sakontzea ere.

Horretarako, Gipuzkoa Basketek diru-kopuru bat jarriko du datozen 3 urteetan, Andy Panko Enbaxadorearekin lortutako akordioari esker. Panko Performance kirol-garapeneko markaren bidez, Gipuzkoa Basketek Easorekin eta, oro har, Gipuzkoako saskibaloiarekin, elkarlanean aritzeko baliabide ekonomikoak jarriko ditu.

Easok hiru talderen federazio-eskubideak utziko dizkio Gipuzkoa Basketi: EBA, Junior Euskal Liga (JUNLV) eta Euskal Kadete Liga (KDTLV). Izen berria GIPUZKOA BASKET – Easo (EBA) eta EASO – Gipuzkoa BASKET (JUNLV eta KDTLV) izango dira. Kirol-teknifikazioaren inpaktua handiagoa izan behar duen adina duten jokalariek osatzen dituzte talde horiek.

Horrela, Gipuzkoa Basket izango da hiru taldeetako kirol zuzendaritza arduraduna. Kirol-zuzendaritzaren barruan, besteak beste, honako alderdi hauek daude: talde teknikoak aukeratzea, plantillak eratzea, entrenamendu-egutegia eta denboraldi-aurrea zehaztea, jokalariak entrenamenduetara eta partidetara igotzea. Bi klubek hobekuntza-programak sortzen jarraituko dute aipatutako kategorietan ez dauden jokalarientzat. Entrenatzaileen garapenean ere lagunduko dute, entrenamenduetara bisitak eta prestakuntza-ekintza gehiago antolatuz.

Bi kluben artean dagoen sintonia erakusle, Easoko zuzendaritzako bi kide Gipuzkoa Basketeko Aholku Batzordeko kide izango dira, eta Gipuzkoa Basketeko bi ordezkari Eason arituko dira.

Azkenik, EASOren eskolak ESKOLA EASO – GIPUZKOA BASKET izena hartzera pasako da eta jokalarien bisitak, Ilunben entrenatzeko aukera eta Gipuzkoa Basket lurraldeko hainbat klubekin martxan jartzen ari den babes-teknikoaren barruan egin daitezkeen ekintzak izango ditu.

Nacho Nuñezek, Gipuzkoa Basketeko presidenteak, oso positiboki baloratzen zuen akordioa sinatu izatea: “Garrantzi handiko akordioa da Gipuzkoako gizonezkoen saskibaloiarentzat, historian garrantzi handienekoa; Gipuzkoa Basketek saskibaloian ordezkatzen duen piramidearen muturrak aurreko mailak hobeto koordinatuta eta landuta izatea ahalbidetuko du, eta EASOk eta beste klub batzuek egiten duten harrobiko lan handi hori errendimendu eta lankidetza handiagoko ingurune batean egitea; horrela, beste klub batzuekin ere prestakuntzarako irekita egon nahi duen akordioa da. Eskerrak eman nahi dizkiet Easoren familiari, Esteban Basterretxea presidenteari eta Zuzendaritza Batzordeari, bide hau gurekin hasteko aukera zabaltzeagatik, eta Andy Panko gure enbaxadoreari, jarduera hau babesteko erakutsi duen eskuzabaltasunagatik eta ikuspegiagatik, Gipuzkoako saskibaloi osoa hobetzeko abiarazi baitugu”.