Guuk euskal telekomunikazio-konpainiak eta Gipuzkoa Basketek lankidetza-hitzarmen bat sinatu dute, operadorea klubaren bazkide digital bihurtzeko. Horrela, Guuk-ek Gipuzkoa Basketen eskura jarriko ditu bere gaitasun teknologikoak eta ingurune digitalaren ezagutza, klubak esparru horretan dituen prozesu operatiboak hobetzeko, eta publiko berrietara iritsi eta abonatuen oinarria zabaltzeko.

Guuk-en izenean, Juanan Goñi kontseilari delegatuak sinatu du hitzarmena; Gipuzkoa Basketen izenean, berriz, Nacho Núñez lehendakariak.

Hitzarmen horren bidez, Guuk-en helburuetako bat beteko da: diharduen lurraldeetan, Euskadin eta Nafarroan, errotuta dauden eragile sozial eta ekonomikoekin harremanetan jartzea, eta, merkatuko teknologiarik onenaren eta berrikuntza-maila handiaren bidez, aberastasuna sortzea sustatzea.

Hitzarmena sinatu ondoren, hauxe adierazi du Juanan Goñi Guuk-eko kontseilari delegatuak: “oso pozik gaude Gipuzkoa Basketi bere prozesu operatiboak hobetzen lagunduko diogulako; hobekuntza horiei esker, hobeto konektatuta egongo da zaleekin. Bazkide digital gisa, Guuk-ek zuntz simetriko azkarrena jarriko du klubaren eskura, baita arlo digitalean duen ezagutza zabala ere; horrela, klubari bere garapen korporatiboan lagunduko diogu”.

Bestalde, Gipuzkoa Basket taldeko lehendakariak, Nacho Núñezek, zera adierazi du: “Eskerrak eman nahi dizkiogu Guuk-i laguntzeagatik, ziur baikaude akordio honek lagundu egingo diola klubari gaur egun hain garrantzitsua den digitalizazioan, bai kirol-erakunde gisa lehiakorragoak izateko, bai gure jarraitzaileekin hobeto konektatuta egoteko”.

Gipuzkoan, duela gutxi, Guuk-ek 5G zerbitzuko probak egin ditu Donostian, eta, gainera, denda bat inauguratuko du hiriaren erdigunean abenduan —lehendik Garbera merkataritza-zentroan (Donostia) du bat—. Probintzia horretan, operadoreak Urbil (Usurbil) eta Mendibil (Irun) merkataritza-zentroetan ere baditu saltokiak.

Guuk-i buruz

Guuk euskal telekomunikazio-zerbitzuen operadore berria da, “hemengoek eta hemengoentzat” sortua. Eskaintza argi eta erraz batekin sortu da, prezio justuak eta betiko eskainiz, eta bezeroak gusturen duen Euskadiko eta Nafarroako telekomunikazio-operadorea izateko bokazioarekin. Hauxe da Guuk-en elementu bereizgarria: bere zuntz optikozko eta mugikorreko telekomunikazio-sareak dituen eta sare horiekin ia euskal lurralde osoa hartzen duen tokiko operadore bakarra da. Euskadin jaiotako industria-proiektu bat da Guuk, Euskadin eta Nafarroan aberastasuna eta enplegua sortzen dituena. Guuk-en Zuntza + Mugikorra tarifa guztiek 600 Mb/s simetrikoko abiadura eskaintzen dute. Sarerik azkarrena da, NPERF SAS enpresak independenteki egindako 2020ko lehen seihilekoko Interneteko Konexio Finkoen Espainiako Barometroaren arabera.