Justin Jaworski (1999/06/21) 1,90eko altuerako eskoltak denboraldi baterako fitxatu du Gipuzkoa Basketen.

Schwenksville, Pennsylvania jaiota, NBA G-League-tik, Oklahoma City Blue taldetik dator. Jawroski txikitatik hasi zen kirolean bere hiriko ikastetxean, saskibaloian zein futbolean nabarmenduz. Ikasketak amaitzean, unibertsitateen eskaintzak jaso zituen bi diziplinetarako, eta saskibaloiaren alde egin zuen azkenean.

2017an Lafayetteko unibertsitatera iritsi zen, eta bertan hurrengo 4 urteetan ekonomiako ikasketak NCAAko lehiaketarekin uztartu zituen. Ligako lehen urtean, 17-18an, batez besteko 10,8 puntu, 2,2 errebote eta 1,7 asistentzia lortu zituen. Unibertsitateko azken denboraldian 21,5 puntu, 3,7 errebote eta 2,3 asistentzia lortu zituen batez beste, eta All-Patriot Leagueko talderik onenean sartu zen.

Joan den udan Atalanta Hawks taldearekin bat egin zuen NBA Summer League 2021erako eta Oklahoma City Blue NBAko G-league taldearekin sinatu zuen. NBAG-leaguen 9,4 puntu, 3 errebote eta 1,4 asistentzia lortu ditu batez beste, eta jaurtiketa libreaz geroztik portzentajerik onena izan duen hirugarren jokalaria izan da, % 94,7.

Eraso-ekintzen dominatzaile handia da, zuzeneko blokeotik sortzeko gaitasuna du, eta zeharkako blokeo-irteeretan amaitzen du. Zalantzarik gabe, taldearen eraso-erreferentzietako bat izango da.

Ongi etorri Justin!