Gaur goizean Lolo Encinasek komunikabideen aurrean azaldu da  taldeak bihar etxean jokatuko duen partida aztertzeko.

Taldea Angulas Aguinaga Arenara itzuliko da partidaz betetako aste honetan. “3 partida dira 9 egunetan gure gainetik dauden taldeen aurka, erronka polita da taldearentzat eta badakite. Ondo eta dinamika onean gaude eta momentua aprobetxatu behar dugula uste dut”.

Aurrean ICG Força Lleida izango du, laugarren postuan dagoena, 17 garaipen eta 8 porrotekin. “Fitxatu dituzten bi jokalariak oso onak, Rubenek zelaia irekitzen dizu, eta Bakovicek ere badu beheko zutoin pixka bat. Lleidak 2 urte daramatza maila lehiakorrean eta saskibaloian oso ondo jokatzen dutela uste dut, batez ere erasoan”. Lolok partidaren gakoa jakinarazi du. “Funtsezkoa izango da taldearen komunikazioa pistan, elkarri laguntzea, eta, orduan, ondo lehiatuko garela uste dut”.

Azkenik, Xabi Berazaren baja berretsi du. “Xabi ez da iritsiko. Probak egin ditugu eta ez da garrantzitsua, baina egun batzuetan gelditu beharko du eta baja segurua da”.