Bihar 20:45ean Inveready Gipuzkoak ligako lehen jardunaldia jokatuko du Amenabar Arenan Real Betis Baloncestoren aurka.

Gaur goizean Jose Luis Zubizarreta “Xubi” kirol zuzendariak eta Mikel Odriozola entrenatzaileak agerraldia egin dute. Jose Luis Zubizarreta “Xubi” k kamiseta berriaren diseinua azpimarratu du: “Txuri-urdina da eta Gipuzkoa txuri-urdina gara”. Bestalde, Mikel Odriozola entrenatzaileak azpimarratu du jokalariak liga hasteko gogoz daudela eta partida bakoitzean lehiakorrak izateko anbizioarekin daudela.

Halaber, Mikel Odriozolak baieztatu du Javier Nicolau ondo ari dela osatzen, baina oraindik ez dagoela prest debuterako.