ALEKSANDAR MARCIUSEN FITXAKETA | 2023 – 2024 DENBORALDIA AURKEZTEKO PRENTSAURREKOA

Gaur goizean, José Luis Zubizarreta “Xubi”, klubeko kirol-zuzendariak; Mikel Odriozola, lehen entrenatzaileak; eta Iria Uxía, bigarren entrenatzaileak, 2023-2024 denboraldiari hasiera emateko Angulas Aguinaga Arenako prentsa-aretoan hitz egin dute.

Xubik prentsaurrekoan, Aleksandar Marcius taldearen pibot berriaren etorrera iragarri du. Pasaporte kroaziarra duen jokalaria da, eta Italiako bigarren kategorian jokatzetik dator. Hainbat denboraldi jokatu ditu Urrezko LEB Ligan. 2020-2021ean (Cáceres), 10 puntu, 5,8 errebote eta 12 balorazio-kreditu lortu zituen partida bakoitzeko.

“Xubi”k Marciusen etorrerari buruz: “Merkatua oso zorrotza izan da ekonomikoki, pibot posizioan batez ere. Marcius asko emango digun jokalaria izango da. ligako erasotzailerik onenetakoa izango da. Oso pozik gaude gure eskaintza onartu izana. Urrezko LEB Ligako beste talde batzuetan eskaintza askoz handiagoak zituen ekonomikoki, baina Donostiara etorri nahi izan du bizitzera, Azpeitian egon zen garaia ezagutzen duelako”.

Mikel Odriozolak taldearen denboraldiari buruz honako hau adierazi du: “Gogo handiz gaude. Oso pozik nago hemen egoteaz, eta pozik nago, halaber, Iria gurekin dagoelako laguntzeko. Eskarmentu handiko taldea izango garela uste dut. Oso argi du jendeak nola lan egin behar den”.

Iria Uxía bere iristeari buruz: “Oso pozik nago, gogo handia nuen. Oso ilusionagarria izan zen klubaren deia. Lehen entrenamendu hauek aprobetxatzen ari gara elkar ezagutu eta egokitzeko. Asko laguntzen du iazko jokalarien oinarria izateak”.

0 iruzkinak

Iruzkin bat bidali

Zure helbide elektronikoa ez da argitaratuko. Eskatutako datuak markatuta daude