Bat gehiago. Eta dagoeneko badoaz bost… Jarraian. Taldeak indar fisiko eta mentaleko erakustaldia eman eta 87-79 irabazi dio Hestia Menorcari.

Partida oso bizia eta aktiboa hasi da. Guuk Gipuzkoa Basket indartsu sartu da lehen 5 minutuetan 4 goitik jarrita (12-8). Hala ere, hurrengo bi minutuetan lortutako 2-10eko partzialak azkar eman dio buelta markagailuari. Xabi Orozek azken segundoan sartutako hiruko ikusgarri batek 23-24 markagailua utzi du lehen laurdenaren amaieran.

Etxekoek ondo hasi dute bigarren laurdena eta lehen minutuetan partida irauli dute, 29-27 utzita. Alex Barcello lehen saskiratzailea izanik, lehen aldian sartu dituen 12 puntuak gutxi irudituko balitzaizkio bezala. Ez genekien gaur arratsaldean Phoenixeko pistolariarekin zetorrenaren ataria zenik. Bigarren denbora oso bizia izan da, ikusteko polita eta, aldi berean, bi aldeetan saskiratze askorekin berdindua. Azkenean 43-45 amaitu du.

Hestia Menorca bikain batek ez du intentsitatea jaitsi eta hirugarren laurdeneko lehen minutuetako erritmoa markatzen joan da, beti pixka bat aurretik. Mikel Odriozolak 61-66ko emaitzarekin gelditu behar izan du partida 1:52ren faltan. Azkenean, 64-70, baina sentsazioak ez ziren onak.

Hala ere, azken laurdena hastea eta beste partida bat balitz bezala izan da. Menorcak akatsak egin ditu eta Guuk Gipuzkoa Basket partida iraultzeko gai izan da lehen hiru minutuetan, 71-70. Angulas Aguinaga Arenak taldea gogor animatu du azken minutuetan, indarrak ahuldu direnean. 2:32ren faltan emaitza 81-77koa zen eta emozioa bizi-bizia. Taldeak ahalegin handia egin du eta azkenean garaipena lortu du, 87-79. Azken laurdenean 23-9ko partzial ikaragarria. Barcelloren 38 puntuak ikaragarriak. Taldearen ahalegina ikaragarria. Eta, nola ez, Angulas Aguinaga Arena, 2.000 zale ingururekin, ikaragarria.

Hurrengo erronka datorren ostiralean izango da, Alacanten, 20:45ean. Taldeak bolada harrigarri hau luzatzeko asmoa du. Goazen Guuk Gipuzkoa Basket!