Hiru aste eta gero saskibaloia itzuliko da Angulas Aguinaga Arenara. Guuk Gipuzkoa Basketek garaipenaren bidea berreskuratu nahi du Menorcan galdu ondoren. Partida ostiralean izango da 20:30etan eta aurrean Tau Castelló izango da, Juan Antonio Orengak entrenatutako taldea.

Tau Castelló sailkapeneko hamaseigarren postuan dago 6 garaipen eta 16 porroteko balantzearekin. Valentziako taldean Stutz nabarmentzen da, taldeko saskiratzaile onena, 13,6 puntu eta 5 erreboteko batez bestekoarekin. Gonzalo Bressan da taldeko jokalaririk baloratuena. Pibotak 13,4 balorazio-kreditu ditu partidako.

Mikel Odriozolak honakoa adierazi du ostiraleko aurkariari buruz: “Taularen behealdean daude eta ziur ez dutela jaitsi nahi. Irabazi egin behar dute, eta berdin zaie noiz eta non”.

Taldearen egoerari buruz galdetu diotenean, Mikelek nabarmendu du “taldearen egoera ez da aldatu. Une batzuetan hobeto egon gara, baina orain horri buelta emateko lanean ari gara”.

Beste erronka bat denboraldiko hamaseigarren garaipena zaleen aurrean lortzen saiatuko den taldearentzat, horrela sailkapeneko goiko postuetan jarraitu ahal izateko.